Islamic Media Visit krne ka Shakira! Aj kal ye Question bht zyada pocha ja rha he k "Kya Quran Majeed mein bhi kisi maqam par Nabi ko noor kaha gaya hai?” Is Question ki ahmiyat ko dekhte hoe is ka Short Answer Urdu zuban me bayan kr dia he tak parhne me Aasani ho. Is Question Kya Quran Majeed mein bhi kisi maqam par Nabi ko noor kaha gaya hai? ya Answer ki bahtari ke mutaliq ksi bhi mashyare ke lie ap neche apna tabsra kr sakte han.
Sawal: Kya Quran Majeed mein bhi kisi maqam par Nabi ko noor kaha gaya hai?
سوال:کیا قرآن مجید میں بھی کسی مقام پر نبی کریم صَلَّی اللَّہُ عَلَیْہِ وَسَلَّمَ کو نور کہا گیا ہے؟
جواب:جی ہاں!اللہ تعالیٰ قرآن مجید میں ارشادفرماتا ہے:{قَدْجَاء َکُمْ مِنَ اللَّہِ نُورٌ وَکِتَابٌ مُبِینٌ}ترجمہ:یقیناآیا تمہارے پاس اللہ کی طرف سے نور اور روشن کتاب۔
(سورۃ المائدہ،آیت 15)
جمہور مفسرین کے نزدیک اس آیت میں نور سے مراد نبی کریم صَلَّی اللَّہُ عَلَیْہِ وَسَلَّمَ کی ذات گرامی ہے۔حضرت ابن عباس رضی اللہ تعالیٰ عنہما فرماتے ہیں(({قَدْ جَاء َکُمْ مِنَ اللَّہِ نُورٌ}یعنی محمد صَلَّی اللَّہُ عَلَیْہِ وَسَلَّمَ ))ترجمہ:تمہارے پاس اللہ تعالیٰ کی طرف سے نور یعنی محمدصَلَّی اللَّہُ عَلَیْہِ وَسَلَّمَ تشریف لائے۔
(تفسیر ابن عباس، ج1،ص90،مطبوعہ لبنان)
امام طبری رحمۃ اللہ علیہ (متوفی310ھ)’’تفسیر طبری ‘‘میں اس آیت کے تحت فرماتے ہیں:’’یعنی بالنور، محمدًا صَلَّی اللَّہُ عَلَیْہِ وَسَلَّمَ ‘‘ترجمہ:یعنی نور سے محمد صَلَّی اللَّہُ عَلَیْہِ وَسَلَّمَ کی ذات والا مراد ہے ۔ (تفسیر طبری ،جلد10،صفحہ143،مؤسسۃ الرسالۃ،بیروت)
امام ابو الحسن علی بن احمد واحدی نیشاپوری رحمۃ اللہ علیہ (متوفی468ھ)اس آیت کی تفسیر میں فرماتے ہیں’’{قَدْ جَاء َکُمْ مِنَ اللَّہِ نُورٌ}یعنی :النبی صَلَّی اللَّہُ عَلَیْہِ وَسَلَّمَ ‘‘ ترجمہ:تمہارے پاس اللہ تعالیٰ کی طرف سے نور یعنی محمد صَلَّی اللَّہُ عَلَیْہِ وَسَلَّمَ تشریف لائے۔
(الوجیز،ج1،ص313،دارالقلم،بیروت)
محی السنہ امام بغوی رحمۃ اللہ علیہ (متوفی510ھ)اس آیت کی تفسیر میں فرماتے ہیں’’{قَدْ جَاء َکُمْ مِنَ اللَّہِ نُورٌ}یَعْنِی:مُحَمَّدًا صَلَّی اللَّہُ عَلَیْہِ وَسَلَّمَ ، وَقِیلَ: الْإِسْلَامُ‘‘ترجمہ:یہاں نو رسے مراد محمدصَلَّی اللَّہُ عَلَیْہِ وَسَلَّمَ کی ذات اقدس ہے اور ایک ضعیف قول یہ ہے کہ یہاں نور سے مراد اسلام ہے۔ (تفسیربغوی، ج2،ص32،داراحیاء التراث العربی، بیروت)
غلطی کی اصلاح:
اوپر موجود مسئلہ کی ہیڈنگ یا حوالہ میں کسی قسم کی کوئی غلطی نظر آئے تو کمینٹ سیکشن (تبصرہ)میں ضرور بتائیں۔ ان شاء اللہ اسے جلد از جلد ٹھیک کرنے کی کوشش کی جائے گی۔
مزید مسائل کی تلاش:
اگر آپ اس کے علاوہ کسی اور مسئلے کی تلاش میں ہیں تو بھی پریشان نہ ہوں الحمد للہ ہماری ویب سائٹ میں اس کے علاوہ بھی سینکڑوں شرعی مسائل اور اسلامک آرٹیکلزموجود ہیں۔ اوپر دئیے گئے سرچ بٹن پر کلک کریں اور اپنا مطلوبہ مسئلہ لکھ کر تلاش کریں۔
