والدین کی نافرمانی سب سے بڑا کبیرہ گناہ ہے

عربی حدیث:

حدثنا مسدد، حدثنا بشر بن المفضل، حدثنا الجریری، عن عبد الرحمن بن أبی بکرۃ، عن أبیہ، قال: قال النبی صلى اللہ علیہ وسلم: ألا أنبئکم بأکبر الکبائر؟ ثلاثا، قالوا: بلى یا رسول اللہ، قال: الإشراک باللہ، وعقوق الوالدین، وجلس وکان متکئا، فقال: وقول الزور، قال: فما زال یکررہا، حتى قلنا: لیتہ سکت.۔

اردو ترجمہ:

حضرت ابوبکرہ رضی اللہ تعالی عنہ فرماتے ہیں کہ نبی اکرم صلی اللہ علیہ وآلہ وسلم نے تین دفعہ یہ ارشاد فرمایا:

” کیا میں تمہیں سب سے بڑے گناہوں کی خبر نہ دوں؟“

 صحابہ نے عرض کیا:             کیوں نہیں یارسول اللہ صلی اللہ علیہ وآلہ وسلم !

آپ صلی اللہ علیہ وآلہ و سلم نے فرمایا:

• اللہ تعالی کے ساتھ کسی کو شریک ٹھہرانا۔
• والدین کی نافرمانی کرنا۔

 آپ صلی اللہ علیہ وآلہ وسلم  نے ٹیک لگائی ہوئی تھی، سیدھے ہو کر بیٹھ گئے اور فرمایا:

• جھوٹی بات کرنا ۔

آپ صلی اللہ علیہ وآلہ و سلم ان کلمات کو دہراتے رہے اتنا دہرایا  کہ ہم نے خوف کی وجہ سے دل میں خواہش کی کہ کاش آپ خاموش ہو جائیں۔

تخریج الحدیث:

البخاری  فی "الصحیح”(۶۹۱۹،۲۶۷۴،۲۶۵۴)،

الادب المفرد(۱۰)،

مسلم(۱۴)(۸۷)۔

کتاب: والدین سے حسن سلوک

کتاب: بر الوالدین، مؤلف: امام محمد بن اسماعیل بخاری رحمہ اللہ