تفسیر القرآن العظیم تفسیر ابن کثیر کا تعارف

تفسیر القرآن العظیم تفسیر ابن کثیر کا تعارف

تفسیر القرآن العظیم تفسیر ابن کثیر کا تعارف

تفسیر القرآن العظیم تفسیر ابن کثیر  کا تعارف و امتیازی خصوصیات؛

تعارف مفسر :۔

حافظ عماد الدین ابن کثیر۔

نام نسب :۔

 اسماعیل کنیت : ابوالفداء لقب : عماد الدین اور ابن کثیر عرف ہے

سلسلہ نسب:۔

سلسلہ نسب یہ ہے : اسماعیل بن عمر بن کثیر بن ضوء بن ذرع القیسی البصروی ثم الدمشقی

آپ ایک معزز اور علمی خاندان کے چشم و چراغ تھے ۔ آپ کے والد شیخ ابوحفص شہاب الدین عمر اپنی بستی خطیب تھے آپ کے بڑے بھائی شیخ عبدالوہاب ایک ممتاز عالم اور فقیہ تھے۔تفسیر القرآن العظیم تفسیر ابن کثیر کا تعارف

ولادت و تعلیم و تربیت :۔

 آپ کی ولادت ٧٠٠ ھ میں بمقام مجدل ہوئی جو ملک شام کے مشہور بصریٰ کے اطراف میں ایک قریہ ہے ، اس وقت آپ کے والد یہاں کے خطیب تھے ، ابھی آپ تیسرے یا چوتھے برس میں ہی تھے کہ والد بزرگوار نے ٧٠٣ ھ میں وفات پائی اور نہایت ہی کم سنی میں آپ یتیمی کا داغ اٹھانا پڑا، باپ کا سایہ سر سے اٹھا تو بڑے نے اپنی آغوش تربیت میں لے لیا ۔تفسیر القرآن العظیم تفسیر ابن کثیر کا تعارف

 والد کی وفات کے تین سال بعد یعنی ٧٠٦ ھ میں آپ اپنے برادر بزرگوار کے ساتھ دمشق چلے آئے اور پھر یہیں آپ کی نشو و نما ہوئی ، ابتدا میں اپنے بڑے بھائی سے فقہ کی تعلیم پائی بعد کو شیخ برھان الدین ابراہیم بن عبدالرحمن فرازی معروف بہ ابن فرکاح شارخ تنبیہ المتوفی ٧٢٩ ھ اور شیخ کمال الدین قاضی شہبہ سے اس فن کی تکمیل کی۔تفسیر القرآن العظیم تفسیر ابن کثیر کا تعارف

 اس زمانہ میں دستور تھا کہ طالب علم جس فن کو حاصل کرتا اس فن کی کوئی مختصر کتاب زبانی یاد کرلیتا۔ چناچہ آپ نے بھی فقہ کی التنبیہ فی فروع الشافعیہ ، مصنفہ شیخ ابواسحاق شیرازی المتوفی ٤٧٦ ھ کو حفظ کرکے ٧١٨ ھ میں سنادیا اور اصول فقہ میں علامہ ابن حاجب مالکی المتوفی ٧٤٦ ھ کی مختصر کو زبانی یاد کیا۔ اصول کی کتابیں آپ نے علامہ شمس الدین محمود بن عبدالرحمن اصفہانی شارح مختصر ابن حاجب المتوفی ٧٤٩ ھ سے پڑھی تھیں۔تفسیر القرآن العظیم تفسیر ابن کثیر کا تعارف

فن حدیث کی تکمیل آپ نے اس عہد کے مشہور اساتذہ فن سے کی تھی ، علامہ سیوطی ، ذیل تذکرہ الحفاظ میں لکھتے ہیں ۔ سمع الحجازوالطبقۃ یعنی حجاز اور اس طبقہ کے علماء سے آپ نے سماع حدیث کیا۔تفسیر القرآن العظیم تفسیر ابن کثیر کا تعارف

حجاز کے ہم طبقہ وہ علماء جن سے آپ نے علم حدیث حاصل کیا اور جن کا ذکر خصوصیت سے آپ کے تذکرہ میں علماء نے کیا ہے وہ حسب ذیل ہیں۔تفسیر القرآن العظیم تفسیر ابن کثیر کا تعارف

۔۔۔(١) عیسیٰ بن المعطعم ّ (٢) بہاؤالدین قاسم بن عساکر المتوفی ٧٢٣ ھ (٣) عفیف الدین اسحاق بن یحییٰ الامدی المتوفی ٧٢٥ ھ (٤) محمد بن زراد (٥) بدرالدین محمد بن ابراہیم معروف بہ ابن سویدی المتوفی ٧١١ ھ (٦) ابن الرضی (٧) حافظ مزی (٨) شیخ الاسلام امام ابن تیمیہ (٩) حافظ ذہبی (١٠) عمادالدین محمد بن الشیرازی المتوفی ٧٤٩ ھ۔

لیکن ان تمام حضرات میں سب سے زیادہ جس سے آپ کو استفاد ہ کا موقع ملا وہ محدث شام حافظ جمال الدین یوسف بن عبدالرحمن مزی شافعی مصنف تہذیب الکمال المتوفی ٧٤٢ ھ ہیں ۔ حافظ مزی نے خصوصی تعلق کی بناء پر اپنی صاحبزادی کا آپ سے نکاح کردیا تھا ۔ اس رشتہ نے اس تعلق کو اور زیادہ استوار کردیا۔ سعادت مند شاگرد نے اپنے محترم استاذ کی شفقت سے پورا پورا فائدہ اٹھایا ، مدت مدید تک حاضر خدمت رہے اور ان کی اکثر تصانیف کا ،  جس میں تہذیب الکمال بھی داخل ہے ، خود ان سے سماع کیا اور اس فن کی پوری تکمیل ان ہی کی خدمت میں رہ کر کی۔تفسیر القرآن العظیم تفسیر ابن کثیر کا تعارف

چنانچہ سیوطی لکھتے ہیں:۔

 وتخرج بالمزی ولازمہ وبرع۔

حافظ ابن حجر نے لکھا ہے کہ مصر سے آپ کو دیوسی ، وانی اور ختنی وغیرہ نے حدیث کی اجازت دی تھی۔

منزلت علمی :۔

 امام ابن کثیر کو علم حدیث کے علاوہ فقہ ، تفسیر ، تاریخ اور عربیت میں بھی کمال حاصل تھا ، چناچہ علامہ ابن العماد حنبلی ، ابن حبیب سے ناقل ہیں ۔

 انتھت الیہ ریاستہ العلم فی التاریخ و الحدیث والتفسیر ۔

ان پر تاریخ ، حدیث اور تفسیر میں ریاست علمی ختم ہوگئی۔

درس وافتاء ، ذکر الٰہی شگفتہ مزاجی :۔

حافظ ابن کثیر کی تمام عمر درس وافتاء اور تصنیف و تالیف میں بسر ہوئی ۔ حافظ ذہبی کی وفات کے بعد مدرسہ ام صالح اور مدرسہ تنکریہ (جو اس زمانہ میں علم حدیث کے مشہور مدرسے تھے ) میں آپ شیخ الحدیث کے عہدہ پر فائز رہے ، بڑے ذاکر شاغل تھے ، چناچہ ابن حبیب نے آپ کے متعلق لکھا کہ امام ذی التسبیح والتھلیل طبیعت بڑی شگفتہ پائی تھی ۔ لطیفہ گو اور بذلہ سنج تھے ، حافظ ابن حجر نے آپ کے اوصاف میں حسن الفاکہۃ کے الفاظ استعمال کئے ہیں ، یعنی بڑا پر لطف مزاح کیا کرتے تھے۔تفسیر القرآن العظیم تفسیر ابن کثیر کا تعارف

وفات : ۔

 اخیر عمر میں بینائی جاتی رہی تھی ، جمعرات کے دن شعبان کی چھبیس تاریخ ٧٧٤ ھ میں وفات پائی (رحمتہ اللہ ) اور مقبرہ صوفیہ میں اپنے محبوب استاذ شیخ الاسلام ابن تیمیہ کے پہلو میں دفن کئے گئے ۔تفسیر القرآن العظیم تفسیر ابن کثیر کا تعارف

 آپ کے کسی شاگرد نے آپ کی وفات پر بڑا درد انگیز مرثیہ لکھا ہے، جس کے دو شعر یہ ہیں۔

لفقدک طلاب العلوم تاسفوا وجادوابدمع لایبیدغزیر

ومزجواماء المدامع بالدما لکان قلیلا فیک یا ابن کثیر

ترجمہ:۔ شائقین علوم تمہارے اٹھ جانے پر متاسف ہیں ، اس کثرت سے آنسو بہا رہے ہیں کہ تھمنے ہی کو نہیں آتے اور اگر وہ آنسوؤں کے ساتھ لہو بھی ملا دیتے تب بھی اے ابن کثیر تمہارے لئے تھوڑے تھے۔

پسماندگان:۔

پسماندگان میں دو صاحبزادے بڑے نامور چھوڑے تھے ۔

 ایک زین الدین عبدالرحمن جن کی وفات ٧٩٢ ھ میں ہوئی

اور دوسرے بدرالدین ابوالبقاء محمد۔ یہ بڑے پایہ کے محدث گزرے ہیں ۔ انہوں نے ٨٠٣ ھ میں بمقام رملہ وفات پائی ، ان دونوں کا ذکر حافظ بن فہد نے اپنے ذیل میں بسلسلہ وفیات کیا ہے۔

حافظ عماد الدین ابن کثیر صاحب تفسیر ابن کثیر   کی تصنیفات :۔

آپ نے تفسیر ، حدیث ، سیر ت اور تاریخ میں بڑی بلند پایہ تصانیف یادگار چھوڑی ہیں، یہ آپ کے اخلاص کا ثمرہ اور حسن نیت کی برکت تھی کہ بارگاہ ایزدی سے ان کو قبول عام اور شہرت دوام کی مسند عطا ہوئی۔ مورخین نے آپ کے تصانیف کی افادیت اور ان کی قبولیت کا ذکر خاص طور سے کیا ہے ۔تفسیر القرآن العظیم تفسیر ابن کثیر کا تعارف

ذہبی لکھتے ہیں ۔ ولہ تصانیف مفیدۃ

ابن حجر کہتے ہیں ۔تفسیر القرآن العظیم تفسیر ابن کثیر کا تعارف

” سادت تصانیفہ فی البلادفی حیاتہ وانتفع الناس بھا بعد وفاتہ ”

ان کی زندگی میں ان کی تصانیف شہر شہر جا پہنچیں اور ان کی وفات کے بعد لوگ ان سے نفع اندوز ہوتے رہے۔تفسیر القرآن العظیم تفسیر ابن کثیر کا تعارف

تفسیر القرآن العظیم تفسیر ابن کثیر کا تعارف

آپ کی جن تصانیف پر ہمیں اطلاع ملی ہے وہ حسب ذیل ہیں۔تفسیر القرآن العظیم تفسیر ابن کثیر کا تعارف

۔(١)۔ تفسیر القرآن العظیم :۔

 جس کے متعلق حافظ سیوطی تصریح کرتے ہیں کہ اس طرز پر دوسری تفسیر نہیں لکھی گئی ، یہ تفسیر بالروایہ میں سب سے زیادہ مفید ہے۔

۔(٢)۔ البدایہ والنہایہ :۔

 یہ فن تاریخ میں ان کی بیش بہا تصانیف ہیں اور مصر سے طبع ہو کر شائع ہوچکی ہے اس میں ابتدائے کائنات سے لے کر احوال آخرت تک درج ہیں۔

۔(٣) التکمیل فی معرفتہ الثقات والضعفاء والمجاہیل :۔

۔(٤) الہدی والسنن فی احادیث المسانید والسنن :۔ یہی کتاب ہے جو جامع المسانید کے نام سے مشہور ہے۔

۔(٥) طبقات الشافعیہ :۔ اس میں فقہاء شافعیہ کا تذکرہ ہے ۔

۔(٦) مناقب الشافعی : یہ رسالہ امام شافعی کے حالات میں ہے ۔

۔(٧) تخریج احادیث ادلتہ التنبیہ۔

۔(٨) تخریج احادیث مختصر ابن حاجب ، التنبیہ

یہ دونوں کتابیں وہی ہیں جن کو مصنف نے عہد طالب علمی میں حفظ کیا تھا، ان دونوں کتابوں میں کتب حدیث سے تخریج بھی لکھی ہے۔

۔(٩) شرح صحیح بخاری  :۔

 اسکی تصنیف بھی شروع کی تھی مگر ناتمام رہ گئی ‘ کشف الطنون میں ہے کہ صرف ابتدائی ٹکڑے کی شرح ہے۔ مصنف نے اس کا ذکر اختصار علوم الحدیث میں کیا ہے۔

۔(١٠) الاحکام الکبیر :۔

 یہ کتاب بہت بڑے پیمانہ پر احادیث احکام میں لکھنی شروع کی تھی ‘ مگر کتاب الحج تک لکھ سکے تمام نہ کرسکے ‘ مصنف نے اختصار علوم الحدیث میں اس کتاب کا بھی ذکر کیا ہے۔

۔(١١) اختصار علوم الحدیث :۔

 نواب صدیق حسن خاں نے منہج الوصول فی اصطلاح احادیث الرسول میں اس کا نام الباعث الحثیث علی معرفتہ علوم الحدیث لکھا ہے ‘ یہ علامہ ابن صلاح المتوفی ٦٤٣ ھ کی مشہور کتاب ” علوم الحدیث ” معروف بہ مقدمہ ابن صلاح کا جو اصول حدیث میں ہے ‘ اختصار ہے ‘ مصنف نے اس میں جابجا مفید اضافے کئے ہیں ۔ حافظ ابن حجر عسقلانی اس کتاب کے متعلق لکھتے ہیں ۔۔۔”ولہ فیہ فوائد "(اس کتاب میں حافظ ابن کثیر کے بہت سے افادات ہیں ۔ )تفسیر القرآن العظیم تفسیر ابن کثیر کا تعارف

۔(١٢) مسند الشیخین :۔

 اس میں شیخین یعنی حضرت ابوبکر و عمر (رض) سے جو حدیثیں مروی ہیں انکو جمع کیا گیا ہے۔ مصنف نے اختصار علوم الحدیث میں اپنی ایک تصنیف مسند عمر (رض) کا ذکر کیا ہے ۔ یہ معلوم نہ ہوسکا کہ آیا وہ مستقل علیحدہ کتاب ہے یا اسی کا حصہ ثانی ہے۔

۔(١٣) السیرۃ النبویہ (صلی اللہ علیہ وآلہ وسلم) :۔ یہ سیرت پر بڑی طویل کتاب ہے۔

۔(١٤) الفصول فی اختصار سیرۃ الرسول :۔ یہ سیرت پر ایک مختصر کتاب ہے ۔ مصنف نے اس کا ذکر اپنی تفسیر میں سورة احزاب کے اندر غزوہ خندق کے بیان میں کیا ہے ۔ اس کتاب کا قلمی نسخہ مدینہ منورہ میں کتب خانہ شیخ الاسلام میں موجود ہے۔

۔(١٥) کتاب المقدمات :۔ اس کا ذکر مصنف نے اختصار علوم الحدیث میں کیا ہے۔

۔(١٦) مختصر کتاب المدخل للبیہقی :۔ اس کا ذکر بھی اختصار الحدیث کے مقدمہ میں کیا ہے۔

۔(١٧) الاجتہاد فی طلب الجہاد :۔ جب فرنگیوں نے قلعہ ایاس کا محاصرہ کیا اس وقت آپ نے یہ رسالہ امیر منجک کے لئے لکھا ‘ یہ رسالہ مصر سے چھپ کر شائع ہوچکا ہے۔

۔(١٨) رسالتہ فی فضائل القرآن :۔ یہ رسالہ بھی تفسیر ابن کثیر کیساتھ مطبع المنار مصر میں طبع ہوچکا ہے۔تفسیر القرآن العظیم تفسیر ابن کثیر کا تعارف

۔(١٩) مسند امام احمد بن حنبل کو بھی حروف پر مرتب کیا تھا اور اسکے ساتھ طبرانی کی معجم اور ابو یعلی کی مسند سے زوائد بھی درج کئے تھے ۔ امام ابن کثیر کی تمام تصانیف میں یہ خوبی عیاں ہے کہ جو کچھ لکھتے ہیں نہایت تحقیق کیساتھ لکھتے ہیں اور مفصل لکھتے ہیں ‘ عبارت سہل اور پیرایہ بیان دلکش ہوتا ہے۔تفسیر القرآن العظیم تفسیر ابن کثیر کا تعارف